नवलपरासीमा छठ पूजाको तयारी अन्तिम चरणमा

२०८०, २ मंसिर शनिबार १३:१०

यस वर्ष परासी बजार झरही खोलामा विशेष तयारी भैरहेको साथै भक्तजनहरुको ठुलो भिड लाग्ने भएकोले यस वर्ष व्यवस्थित तरीकाले तयारमा जुटिएको छठ समितिका अध्यक्ष विजुली हरीजनले जानकारी दिनु भयो । यस बर्ष ५ हजार भन्दा बढि भक्तजनहरुको उपस्थित हुने अनुमान गरिएको उहाँले बताउनु भएको छ । जिल्लामै नमूनाको रुपमा छठपूजाको तयारी गरिएकाे रामग्राम नगरपालिका वडा न. २ का वडा अध्यक्ष निरज रौनियारले बताउनु भयो । झरहि खोलाको घाटमा छठ पुजा हुदै आएको ३५ वर्ष भन्दा बढि भएको स्थानिय छठ समितिका काेषाध्यक्ष रमेश यादवले जानकारी दिनुभयो । साथै हरेक वर्ष यसको रौनक अझ बढदै गइरहेकोमा खुसि व्यक्त गर्नु भएको छ।

छठको अवसमा वर्षनि जिल्ला भरिकै भक्त जनहरुको भिड सगै बाहिरी जिल्ला र भारतबाट समेत पुजाका लागि आउने गरेको स्थानिय बिजयनाथ यादवले बताउनु भयो । उहाँका अनुसार आफूसानो हुँदा पहिले माडवारीहरुले छठ घाट बनाइ झरहि खोलामा पूजा गर्ने शुरुवात गरिएको र विस्तारै यसको महत्व बढ्दै गएपछि अहिले भव्यताको साथ हरेक जातजातिहरुले सदभाव र एकताको साथ यस घाटमा पर्व मनाइरहेको बताउनु भयो ।

यस्तै जिल्लाको रामग्राम ४ सुर्यपुरा,बैरिहवा ,पाल्हिनन्दन ४ वरमपुरवा, सुनवल नगरपालिका वडा नं १२ हरक्टा त्यसै गरी सरावल गाउँपालिका वाड नं २ मनरी, वडा नं ६ पुसाैलीमा लगाएत बिभिन्न स्थानमा व्रत बस्ने भक्तजनहरुले आफूलाई पायक पर्ने नदी पोखरी तथा ताल तलैयाहरुका डिलमा पुजाका लागि सरसफाई हिजो देखि गरीरहेका छन्न । यो पर्व कात्तिक शुक्ल चतुर्थीको दिनदेखि सुरु हुने सप्तमी तिथिका दिन सम्पन्न हुन्छ । यो पर्वमा सूर्यदेवको उपासना गरिन्छ । पहिलो दिन सूर्य देवतालाई अघ्र्य अर्पण गरिन्छ । छठपर्वको पहिलो दिन शुक्रबार हिजो नहायखाय विधि सम्पन्न गरिएको छ। व्रतालुहरुले विहानै नहाईखाई विधि अर्थात नुहाएर शुद्ध शाकाहारी भोजन ग्रहण गर्छन्। कात्तिक शुक्लपक्षको पञ्चमी तिथी अर्थात पर्वको दोस्रो दिन आज खरना विधि गरिदैंछ। खर्नाका दिन व्रतालु महिला र पुरुषहरुले दिनभरि उपवास बसेर साँझ दूध, चामल र सख्खर हालेर पकाइएको खिर,केरालगायत विभिन्न फलफूल तथा मिठाइ सजाएर छठ देवतालाई आगमनको निम्तो दिँदै कुल देवताको पूजा गरिसकेपछि व्रतालुसहित घरपरिवारका सबै सदस्य त्यही सामग्री प्रसादका रूपमा ग्रहण गर्छन्। यसरी खरना विधि सम्पन्न हुन्छ। त्यस्तै षष्ठी तिथी अर्थात पर्वको तेस्रोदिन अस्ताउँदो सूर्य र सप्तमी तिथीमा उदाउँदो सूर्यलाई अर्घ दिई छठ पर्व विधिवत रुपमा समापन हुन्छ ।

छठ वर्वकाे अवसरमा नवलपरासीको परासी बजार नजिकै झरही खोला लगायतका बिभिन्न ठाउँमा भव्य मेला लाग्ने गरेकाे छ । यस्तै लुम्बिनी प्रदेश सरकारले साेमबार नवलपरासी,रुपन्देही,कपिलवस्तु र बाके जिल्लामा सार्वजनिक बिदा दिएकाे गृहमन्त्रालयका उप सचिव खिमानन्द ज्ञवालीद्वारा हष्ताक्षरी बिज्ञपत्तीमा उल्लेख गरिएकाे छ ।

नवलपरासीमा छठ पूजाको तयारी अन्तिम चरणमा

ताजा खबर

रामग्राम बचत तथा ऋण सहकारी संस्थाको २२ओैं वार्षिक साधारण सभा सम्पन्न

सुनवलमा माेटरसाईकल दुर्घटना हुदा परासीका एक युवाकाे मृत्यु

निर्दयतापुर्बक कुकुरहरु मार्ने सुस्ताबाट २ जना पक्राउ

जिल्ला ट्राफिक प्रहरी कार्यालय नवलपरासीद्वारा ५ महिनामा ४३ लाख ४९ हजार ५०० सय राजश्व...

नेपाल तरुण दल नवलपरासीको बर्दघाटमा अन्तरक्रिया

बर्दघाट ३ काे वडा कार्यालय शिलान्यास

आठौं बर्दघाट महाेत्सव २०८१ सुरु

मुख्यमन्त्री तथा मन्त्रिपरिषद्को काज अटेर गर्दै :- पृथ्वी चन्द्र अस्पतालका डा.नुरुल होदा