परासी / मंसिर २५ ।
पश्चिम नवलपरासीकाे सरावल गाउँपालिका वडा नम्बर- ६ भुजहवाका युवा समाजसेवी विरेन्द्र यादवले जिल्लाको सरावल गाउँपालिका भित्रमा शववाहन अभावका कारण गरिब र विपन्न परिवारले भोग्दै आएका कठिनाइलाई मध्य नजर गर्दै उदाहरणीय कार्यको थालनी गर्नुभएकाे छ । उनले मृतकको शव व्यवस्थापनका लागि आफ्नै निजि गाडी गरिब तथा विपन्न परिवारलाई नि:शुल्क उपलब्ध गराउने घोषणा गर्दै यसलाई व्यवहारमा पनि लागू गर्नुभएकाे छ ।
शववाहन अभावले निम्त्याएको पीडालाई काम गर्न यस्तो कामको थालनी भएको हो । नवलपरासी लगायत धेरै ग्रामीण क्षेत्रमा शववाहनको सुविधा निकै सीमित छ । अधिकांशले निजी गाडी भाडामा लिएर शव व्यवस्थापन गर्नुपर्ने बाध्यता छ, जसका लागि आर्थिक रूपमा कमजोर परिवारहरूले ठूलो चुनौतीको सामना गर्नुपर्छ। कतिपय अवस्थामा परिवारले शवलाई ढुवानी गर्न समेत असक्षम हुने अवस्था आउँछ। यस्तो कठिन परिस्थिति प्रत्यक्ष अनुभव गरेका विरेन्द्र यादवले यस समस्याको समाधानका लागि आफ्नो निजी स्रोत साधनलाई जनताको सेवामा समर्पण गर्ने साहसी कदम चाल्नु भएकाे छ ।
यादवले केही दिनअघि सामाजिक सञ्जाल र मिडिया मार्फत गरिब र विपन्न वर्गका लागि आफ्नो निजि गाडी नि:शुल्क शववाहनका रूपमा उपलब्ध गराउने घोषणा गरेका थिए। यो घोषणा धेरैका लागि मात्र शब्दमा सिमित लागे पनि उनले आफ्नो प्रतिबद्धतालाई व्यवहारमा उतारेर जनताको विश्वास जित्दै आउनु भएकाे छ ।
सोमबार, उनले सरावल-६ बडसारका जगदिस भरका मृतक बुबाको शव व्यवस्थापनका लागि आफ्नो निजी गाडी नि:शुल्क उपलब्ध गराउनुभयाे । यो कार्यले न केवल उहाँको घोषणाको सत्यता प्रमाणित गर्यो, बल्कि समाजमा मानवता र सहयोगको उदाहरण पनि प्रस्तुत गर्यो ।
युवा समाजसेवी यादवको यो कदमले स्थानीय समुदायको मन जित्नु भएकाे छ । “पालिका स्थानिय सरकारले गर्न नसकेको काम यादवले गरेर देखाउनु भयाे ,” स्थानीय बासिन्दाहरूले भनेका छन् । उनीहरूको अनुसार, यस्तो कार्यले समाजमा सकारात्मक परिवर्तन ल्याउन मात्र होइन, समुदायमा मानवीयता र सहकार्यको भावना पनि जागृत गरेको छ ।
यादवले यो सेवालाई सहज बनाउनका लागि दुईवटा सम्पर्क नम्बर सार्वजनिक गरेका छन् । ९८५७०४६३१९ र ९८२१४९२८९०। कुनै पनि गरिब वा विपन्न परिवारका सदस्यको मृत्यु भएमा यी नम्बरहरूमा सम्पर्क गरेपछि पिकअप गाडी मृतकको घरमै पठाउने व्यवस्था गरिएको छ ।
जिल्लामा शववाहनको अभाव भनेको स्थानिय सरकारको एक गम्भीर कमजोरी हो । धेरै पटक गरिब तथा विपन्न वर्गले सहरी सुविधाबाट बञ्चित हुनु परिरहेको छ। यस अवस्थामा, यादवले व्यक्तिगत रूपमा चालेको कदमले सरकारलाई पनि गम्भीरताका साथ यस्तो समस्याको समाधान गर्न प्रेरित गर्न सक्छ ।
समाजसेवी यादव समाजमा गरिब, विपन्न र अशक्तहरूको सहयोगका लागि विगत देखि नै परिचित रहनुभएकाे छ । उहाँको यो प्रयास कुनै पनि आर्थिक लाभ वा प्रचारमुखी उद्देश्य भन्दा बाहिर छ । उहाँ भन्नुहुन्छ, “गरिब र विपन्न परिवारलाई शव व्यवस्थापनमा आर्थिक संकटका कारण थप पीडा सहन नपरोस् भन्ने मेरो चाहना हो। यो मेरो जिम्मेवारी हो, जुन म सम्पादन गर्दै छु ।”
यादवको यस्तो प्रयासले जिल्लामा समाजसेवाको नयाँ आयाम थपेको छ । स्थानीय बासिन्दाहरूको आशा छ कि अन्य व्यक्ति तथा संस्थाहरूले पनि उहाँलाई अनुसरण गर्नेछन् । यादवको यो कदमले समुदायलाई केवल राहत मात्र दिएको छैन, सामाजिक सद्भाव र सहयोगको संस्कृति प्रवर्द्धन गर्न पनि महत्त्वपूर्ण भूमिका खेलेको छ ।
गरिब र विपन्न वर्गको सेवामा समर्पित विरेन्द्र यादवको यो अभियानले समाजमा सहयोग र सहानुभूतिको सन्देश प्रवाह गरेको छ । यो कदम केवल व्यक्तिगत प्रयासमा सिमित रहनु हुँदैन । स्थानीय सरकारले यस्तो प्रयासलाई संस्थागत रूपमा अगाडि बढाउनु आवश्यक छ । यादवको यो कदमले समाजलाई मानवता र सहयोगको महत्त्व सम्झाएको छ । यस्तो उदाहरणीय प्रयासले समाजको संरचना बलियो बनाउन सहयोग पुर्याउनेछ । उहाँका कार्यहरू अन्य व्यक्तिहरूका लागि प्रेरणादायी बन्न सक्नुहुन्छ ।
